ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᓄᓇᕘᓕᒫᒥ ᐊᐱᖅᓱᖃᑦᑕᖅᓯᒪᓕᕐᒪᑕ ᖃᓄᖅ ᑭᒡᒐᖅᑐᐃᔨᓄᑦ ᐃᑲᔪᖅᑕᐅᒍᓐᓇᕐᒪᖔᕐᒥᒃ. ᑭᒡᒐᖅᑐᐃᔨᖏᑦ ᐃᓕᓐᓂᐊᖅᑐᓕᕆᔨᒃᑯᑦ ᓄᓇᕘᒥ ᒐᕙᒪᐅᓇᓂ ᑎᒥᐅᔪᖅ ᑮᓇᐅᔭᖃᖅᑎᑕᐅᕙᑦᑐᖅ ᐊᔾᔨᒌᖏᑦᑐᓂᒃ ᑐᓐᖓᕕᐅᔪᓂᒃ, ᐱᖃᑕᐅᑦᓱᓂ ᐃᓚᒋᔭᐅᔾᔪᑎᓖᑦ ᐃᓕᓐᓂᐊᖅᑐᓕᕆᓂᕐᒧᑦ. ᑭᒡᒐᖅᑐᐃᕙᑦᑐᖅ ᐱᖓᔪᒋᔭᐅᓪᓗᓂ ᓂᐱᖃᖅᑎᒃᓯᔪᑦ ᐃᓕᓐᓂᐊᕐᓂᓕᕆᓂᕐᒥ -ᓂᓕᐊᓂᖏᑦ ᐊᖏᔪᖅᑳᕆᔭᐅᔪᑦ- ᓂᓪᓕᐊᖃᑕᐅᔪᑦ ᑖᒃᑯᓅᖓ ᒪᕐᕉᓐᓄᓐ ᓂᐱᒋᔭᐅᔫᓐᓄᑦ, ᒥᓂᔅᑕᒧᑦ, ᐊᒻᒪᓗ ᐃᓕᓴᐃᓯᔨᓄᑦ ᑭᒡᒐᑐᖅᑕᐅᔪᓄᑦ ᓄᓇᕘᒥ ᐃᓕᓴᐃᔩᑦ ᑲᑐᔾᔨᖃᑎᒌᖏᓐᓄᑦ. ᐄᑉᐳᓘᖑᑎᓪᓗᒍ 2006-ᒥ ᑭᒡᒐᖅᑐᐃᔩᑦ ᐸᕐᓇᑦᑐᒥᓃᑦ ᓴᖅᑭᑎᒃᓯᒍᒪᓪᓗᑎᒃ ᐅᓪᓘᑉ ᐊᕝᕙᖓᓂᒃ ᐊᓪᓚᕝᕕᖃᕐᓂᕐᒥᒃ ᐃᖃᓗᓐᓂ ᐱᔨᑦᓯᕈᒪᓪᓗᒋᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᒃ. ᑖᓐᓇ ᐊᓪᓚᕝᕕᒃ ᒪᑐᐃᖓᓕᖅᐸᑦ ᐊᐅᓚᓕᕐᓗᓂᓗ, ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᑐᓴᖃᑦᑕᓂᖅᓴᐅᓂᐊᖅᑐᑦ ᑭᒡᒐᖅᑐᐃᔨᓃᓐᖔᖅᑐᓂᒃ. ᐅᑯᐊ ᑕᒡᒐ ᐃᓚᖏᑦ ᑭᒡᒐᖅᑐᐃᔩᑦ ᐃᖅᑲᓇᐃᔮᕆᓂᐊᖅᑕᖏᑦ:
- ᐱᒋᐊᖅᑎᑦᓯᓗᑎᒃ ᖃᕆᑕᐅᔭᒃᑯᑦ ᖃᐅᔨᒋᐊᕐᕕᒃᓴᐅᒐᔭᖅᑐᒥᒃ ᑐᓴᕋᒃᓴᓂᒃ ᐊᑑᑎᕋᑖᒥᓂᕐᓂᒃ ᖃᐅᔨᒋᐊᖅᑕᐅᒍᒪᒐᔭᖅᑐᓂᒃ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓄᑦ.
- ᓴᖅᑭᑎᒃᓯᓗᑎᒃ ᐊᕐᕌᒍᒥ ᓯᑕᒪᐃᕋᕐᓗᓂ ᐱᕙᓪᓕᐊᔪᓂᒃ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓄᑦ.
- ᐊᐱᖅᓲᑎᖃᖃᑦᑕᕐᓗᑎᒃ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑕ ᐃᓱᒪᒋᔭᖏᓐᓂᒃ ᓄᑖᑉ ᐃᓕᓐᓂᐊᕐᓂᓕᕆᓂᕐᒧᑦ ᒪᓕᒐᒃᓴᐅᑉ ᒥᒃᓵᓄᑦ ᐊᔾᔨᖃᕈᓐᓇᖁᓪᓗᒍ ᓂᓪᓕᐊᒍᑎᖏᓐᓂᒃ ᐊᖏᔪᖅᑳᕆᔭᐅᔪᑦ.
- ᓴᖅᑭᑎᒃᓯᓗᑎᒃ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑕ ᑕᐅᑐᑦᑕᖓᒍᑦ ᐊᑐᐊᒐᒃᓴᓂᒃ ᐃᓱᒫᓘᑕᐅᔪᓂᒃ ᐃᓕᓐᓂᐊᖅᑐᓕᕆᓂᕐᒧᑦ ᐃᓕᓐᓂᐊᕕᑦᑎᓐᓂ.
- ᓇᓗᓇᐃᔭᕐᓗᒋᑦ ᐃᓕᓐᓂᐊᕐᓂᕆᔭᕆᐊᓕᖏᑦ ᑲᑎᒪᔨᖏᑕ ᐃᓕᓐᓂᐊᖅᑐᓕᕆᔨᒃᑯᑦ.
- ᐱᒋᐊᖅᑎᑦᓯᓗᑎᒃ ᐱᓕᕆᖃᑎᒌᓐᓂᕐᒥᒃ ᐊᓯᖏᓐᓂᒃ ᐃᓕᓐᓂᐊᕕᓐᓂ ᑐᓐᖓᕕᖃᖅᑐᓂᒃ ᐊᖏᔪᖅᑳᕆᔭᐅᔪᑦ ᐊᐅᓚᑕᖓᓐᓂᒃ.
- ᑐᑭᒧᐊᑦᑎᑦᓯᓂᖅ ᐅᖃᓕᒫᒐᖃᕐᕕᒻᒥᒃ ᑐᓴᕋᑦᓴᖅᑕᖃᕐᓗᓂ ᐃᑲᔪᖅᓯᒐᔭᖅᑐᓂᒃ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᒃ ᐃᖅᑲᓇᐃᔭᖏᓐᓂᒃ ᐱᕚᓪᓕᖁᓪᓗᒋᑦ.
- ᑭᐅᕙᓪᓗᑎᒃ ᑐᒃᓯᕌᖑᔪᓄᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓄᑦ ᑐᓴᕋᒃᓴᓂᒃ ᐃᓕᓐᓂᐊᖅᓂᓕᕆᓂᕐᒨᖓᔪᓂᒃ.